Մի շարք հոդվածների մեղադրանքով հետախուզվողը տեղափոխվեց Հայաստան
![Մի շարք հոդվածների մեղադրանքով հետախուզվողը տեղափոխվեց Հայաստան Մի շարք հոդվածների մեղադրանքով հետախուզվողը տեղափոխվեց Հայաստան](/timthumb?src=/resources/police/img/news/big/1683272660-3516.jpeg&q=75&w=780&wm=1)
ՆԳՆ ոստիկանության ՔՈԳՎ և ՀՀ-ում Ինտերպոլի ԱԿԲ ծառայողների համատեղ խմբի կողմից մայիսի 5-ին Բուդապեշտ-Աթենք-Երևան չվերթի ինքնաթիռով Հայաստան է տեղափոխվել 32-ամյա Յուրի Ա.-ն, որը 2017 թ. հունվարի 26-ից ոստիկանության Կենտրոնական բաժնի կողմից հետախուզվում էր ՀՀ նախկին քրեական օրենսգրքի 181-րդ (Հափշտակությունը, որը կատարվել է համակարգչային տեխնիկայի օգտագործմամբ), 254-րդ (Համակարգչային տեղեկատվությանն ապօրինի տիրանալը), 256-րդ (Վնասաբեր ծրագրեր մշակելը, օգտագործելը և տարածելը) և 190-րդ (Հանցավոր ճանապարհով ստացված եկամուտներն օրինականացնելը) հոդվածների մեղադրանքով:
Խափանման միջոցը՝ կալանք:
Յուրի Ա.-ն փոխանցվել է ոստիկանության Կենտրոնական բաժնի ծառայողներին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: