Ոստիկանները կասկածյալին հայտնաբերեցին Տիգրան Մեծի պողոտայում

Մայիսի 29-ին, ժամը 17.11-ին, ոստիկանության Կենտրոնական բաժին է զանգահարել 43-ամյա մի քաղաքացուհի և հայտնել, որ նույն օրը, ժամը 14.35-ին, անհայտ անձը, օգտվելով Մելիք Ադամյան փողոցում գտնվող ցուցահանդեսային սրահի դուռը բաց լինելու հանգամանքից, գողացել է դյուրակիր համակարգիչ:
Ոստիկանության ծառայողները, իրացնելով օպերատիվ տվյալները, պարզել են, որ գողությունը կատարել է Երևան քաղաքի 50-ամյա մի բնակիչ, որը նույն օրը, ժամը 20.00-ին, Տիգրան Մեծի պողոտայից բերման է ենթարկվել ոստիկանության Էրեբունու բաժին և տվել խոստովանական բացատրություն:
Նախապատրաստվում են նյութեր:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: