Տվել է ինքնախոստովանական բացատրություն

Հուլիսի 21-ին, ժամը 19.08-ին, հիվանդանոցից  ոստիկանության Արաբկիրի բաժնում հաղորդում էր ստացվել, որ Երևանի Մամիկոնյանց փողոցից «գանգուղեղային վնասվածք, ուղեղի ցնցում» ախտորոշմամբ   բուժօգնության է տեղափոխվել 1979 թ. ծնված Արշավիր Բ.-ն:

Մեկնած օպերատիվ խմբին Արշավիր Բ.-ն հաղորդում է տվել, որ նույն օրը, ժամը 16.00-ին,  Մամիկոնյանց փողոցի վերջնամասում գտնվող ավտոմեքենաների տեխսպասարկման կետի դիմաց   անհայտ անձն անհայտ առարկայով հարվածել է իր գլխին և պատճառել վնասվածք:

Նշանակվել է դատաբժշկական փորձաքննություն:

Ձեռնարկված միջոցառումների շնորհիվ, հուլիսի 25-ին, ժամը 17.00-ին, 1990 թ. ծնված Վլադիմիր Կ.-ն  ներկայացել է ոստիկանություն և տվել ինքնախոստովանական բացատրություն, որ հուլիսի 21-ին, ժամը 16.00-ին, Արղության փողոցի թիվ 7 հասցեում գտնվող տեխսպասարկման կետի դիմաց մեկ անգամ ձեռքով հարվածել է Արշավիր Բ.-ի դեմքին, ինչի հետևանքով վերջինս, կորցնելով հավասարակշռությունը, վայր է ընկել, գլխի հետնամասով հարվածել գետնին և ստացել  վնասվածք:

Նախաքննությունը շարունակվում է: