Փլուզվել է նորակառույց շինություն
![Փլուզվել է նորակառույց շինություն Փլուզվել է նորակառույց շինություն](/timthumb?src=/resources/police/img/news/big/1351240274,507.jpeg&q=75&w=780&wm=1)
Հոկտեմբերի 25-ին, ժամը 16.00-ին, ՀՀ ԱԻՆ «1-01» ծառայությունից ոստիկանության Մարաշի բաժանմունքում հաղորդում է ստացվել, որ Խանջյան փողոցում գտնվող նոր շինությունը փլուզվել է:
Նույն օրը, ժամը 16.15-ին, հիվանդանոցից ոստիկանությունում հաղորդում է ստացվել, որ Խանջյան փողոցի թիվ 20 հասցեից, շինության փլուզման հետևանքով, «պոլիտրավմա» ախտորոշմամբ, իրենց մոտ բուժօգնության են տեղափոխվել 9 անձինք:
Պարզվել է, որ նույն օրը, ժամը 15.50-ին, «Օղակաձև» զբոսայգու 5-րդ հատվածում գործող թոնրատան հետնամասում գտնվող նորակառույց շինությունը փլուզվել է, ինչի հետևանքով կառուցապատումն իրականացնող 9 անձինք ստացել են վնասվածքներ և տեղափոխվել հիվանդանոց:
Հանգամանքները պարզվում են:
Փաստի առթիվ ոստիկանության Կենտրոնի քննչական բաժնում ՀՀ քրեական օրենսգրքի 157 հոդվածի հատկանիշներով հարուցվել է քրեական գործ:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: