40-ամյա տղամարդը փորձել էր սպանել հորեղբորը
![40-ամյա տղամարդը փորձել էր սպանել հորեղբորը 40-ամյա տղամարդը փորձել էր սպանել հորեղբորը](/timthumb?src=/resources/police/img/news/big/1686639044-6812.jpeg&q=75&w=780&wm=1)
Ոստիկանության Ավանի բաժանմունքի քրեական հետախույզները օպերատիվ տվյալ էին ստացել, որ հունիսի 12-ին, ժամը 18.00-ի սահմաններում, Ավան թաղամասի Աճառյան փողոցի տներից մեկի բակում տեղի ունեցած վիճաբանության ժամանակ Նուբարաշենի քրեակատարողական հիմնարկում հաշվառված 40-ամյա տղամարդը, պտուտակահանով հարվածներ հասցնելով 58-ամյա հորեղբոր գլխին ու մարմնի տարբեր մասերին, փորձել է սպանել նրան:
Ձեռնարկված օպերատիվ-հետախուզական միջոցառումների շնորհիվ ժամը 20.30-ին 40-ամյա տղամարդը հայտնաբերվել, ձերբակալվել և ներկայացվել է ոստիկանության Նոր Նորքի բաժին:
Նախաձեռնվել է քրեական վարույթ՝ սպանության փորձի հատկանիշներով:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: