Արաբկիրի ոստիկանները հետախուզվողին հայտնաբերեցին «Զվարթնոց» օդանավակայանում

Ոստիկանության Արաբկիրի բաժնի քրեական հետախույզները ձեռնարկած օպերատիվ-հետախուզական միջոցառումների արդյունքում հունիսի 21-ին «Զվարթնոց» օդանավակայանում հայտնաբերել և բաժին են տեղափոխել 30-ամյա Գուրպրիիտ Ս.-ին, որը 2020 թ. հունվարի 20-ից հետախուզվում էր ՀՀ նախկին քրեական օրենսգրքի 324-րդ (Փաստաթղթեր, դրոշմներ, կնիքներ հափշտակելը կամ վնասելը) և 179-րդ (Յուրացնելը կամ վատնելը) հոդվածների մեղադրանքով:
Նա ներկայացվել է նախաքննական մարմին:
Խափանման միջոցը՝ ստորագրություն։