Հայ-ռուսական համագործակցության ամրապնդմանն ուղղված միջոցառում՝ ոստիկանության կրթահամալիրում
25.02.2016 14:29
Համակարգի լրատու
![Հայ-ռուսական համագործակցության ամրապնդմանն ուղղված միջոցառում՝ ոստիկանության կրթահամալիրում Հայ-ռուսական համագործակցության ամրապնդմանն ուղղված միջոցառում՝ ոստիկանության կրթահամալիրում](/timthumb?src=/resources/police/img/news/big/1456396314,1143.jpeg&q=75&w=780&wm=1)
Փետրվարի 24-ին ոստիկանության կրթահամալիրում էր Հայաստանում գիտության եւ մշակույթի ռուսական կենտրոնի պատվիրակությունը՝ Հայաստանի Հանրապետությունում Ռուսաստանի Դաշնության դեսպան Իվան Վոլինկինի գլխավորությամբ:
Հյուրերը կրթահամալիրին նվիրեցին ռուսաց լեզվի դասագրքեր եւ ուսումնամեթոդական ձեռնարկներ:
Ոստիկանության կրթահամալիրի պետ, ոստիկանության գեներալ-լեյտենանտ Հովհաննես Վարյանը երախտագիտություն հայտնեց նախաձեռնության համար եւ շնորհակալագիր հանձնեց Հայաստանում գիտության եւ մշակույթի ռուսական կենտրոնին:
Հայ-ռուսական համագործակցության ամրապնդմանն ուղղված նախաձեռնությունը բարձր գնահատեց նաեւ ՀՀ-ում ՌԴ դեսպան Իվան Վոլինկինը:
Միջոցառման ավարտին հյուրերին հանձնվեցին հուշանվերներ: