Օպերատիվ իրավիճակը հանրապետությունում (հունվարի 1-ից 11-ը)
![Օպերատիվ իրավիճակը հանրապետությունում (հունվարի 1-ից 11-ը) Օպերատիվ իրավիճակը հանրապետությունում (հունվարի 1-ից 11-ը)](/timthumb?src=/resources/police/img/news/big/1421066820,3867.jpeg&q=75&w=780&wm=1)
Ըստ ոստիկանության օպերատիվ հաղորդագրությունների ամփոփագրերի` հունվարի 1-ից 11-ն ընկած ժամանակահատվածում հանրապետությունում արձանագրված մահվան ելքով մարմնական վնասվածք հասցնելու 2 դեպքից բացահայտվել է 1-ը, մարմնական վնասվածք հասցնելու 104 դեպքից` 96-ը, կողոպուտի 5 դեպքից` 3-ը: Բացահայտվել է գողության` 31, խարդախության 11 և յուրացման 2 դեպք:
Նախկինում կատարված հանցագործություններից բացահայտվել է մարմնական վնասվածք հասցնելու` 4, խարդախության 1 և գողության 3 դեպք:
Անցած 11 օրվա ընթացքում հանրապետությունում արձանագրվել է ճանապարհատրանսպորտային 87 պատահար, ինչի հետևանքով 8 մարդ զոհվել է, 126-ը` ստացել տարբեր աստիճանի մարմնական վնասվածքներ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: