Օպերատիվ իրավիճակը հանրապետությունում

Ըստ ՀՀ ոստիկանության օպերատիվ հաղորդագրությունների ամփոփագրերի`  նոյեմբերի 13-ից 14-ն ընկած ժամանակահատվածում հանրապետությունում արձանագրված մարմնական վնասվածք հասցնելու 8 դեպքից բացահայտվել է 7-ը, խարդախության` 10,  յուրացման կամ վատնման և ապօրինի ծառահատման  1-ական դեպքերն էլ բացահայտվել են: Բացահայտվել է գողության 5 դեպք։

Նախկինում կատարված հանցագործություններից բացահայտվել է ավազակային հարձակման` 1,  գողության և մարմնական վնասվածք հասցնելու 2-ական  դեպք:

Անցած 1 օրվա ընթացքում հանրապետությունում արձանագրվել է ճանապարհատրանսպորտային 5 պատահար. 5 մարդ ստացել է տարբեր աստիճանի մարմնական վնասվածքներ: