Օպերատիվ իրավիճակը հանրապետությունում նոյեմբերի 2-ից 3-ը

Ըստ ոստիկանության օպերատիվ հաղորդագրությունների ամփոփագրերի` նոյեմբերի 2-ից 3-ը Հայաստանի Հանրապետության ոստիկանության ստորաբաժանումները բացահայտել են հանցագործության 30 դեպք, որից 1-ը՝ նախկինում կատարված։
Մասնավորապես՝ խարդախության` 7, մարմնական վնասվածք պատճառելու՝ 5, անձնական ունեցվածքի գողության, հարկերից խուսափելու, զենք-զինամթեքի առգրավման և թմրամիջոցի հայտնաբերման՝ 2-ական, յուրացման կամ վատնման, դրամանենգության, ապօրինի ծառահատման, պաշտոնեական լիազորությունների չարաշահման, ծեծի, ակնհայտ 16 տարին չլրացած անձի հետ սեռական հարաբերություն ունենալու, ապօրինի կերպով զենք կրելու, սպանության սպառնալիքի ու զինված ընդհարումների ժամանակ մարդասիրական իրավունքի նորմերի լուրջ խախտումների՝ 1-ական դեպք։
Հայտնաբերվել է 3 հետախուզվող։
Նախկինում կատարված հանցագործություններից բացահայտվել է անձնական ունեցվածքի գողության 1 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 8 պատահար. 16 մարդ ստացել է տարբեր աստիճանի մարմնական վնասվածքներ: