Օպերատիվ իրավիճակը հանրապետությունում հուլիսի 9-ից 12-ը
![Օպերատիվ իրավիճակը հանրապետությունում հուլիսի 9-ից 12-ը Օպերատիվ իրավիճակը հանրապետությունում հուլիսի 9-ից 12-ը](/timthumb?src=/resources/police/img/news/big/1626076869-3451.jpeg&q=75&w=780&wm=1)
Ըստ ոստիկանության օպերատիվ հաղորդագրությունների ամփոփագրերի` հուլիսի 9-ից 12-ը Հայաստանի Հանրապետության ոստիկանության ստորաբաժանումները բացահայտել են հանցագործության 148 դեպք, որից 8-ը՝ նախկինում կատարված։
Մասնավորապես՝ անձնական ունեցվածքի գողության` 34, մարմնական վնասվածք պատճառելու` 29, խարդախության՝ 11, ընտրությունների կամ քվեարկության արդյունքները կեղծելու՝ 10, թմրամիջոցի հայտնաբերման և ընտանեկան բռնության՝ 7-ական, զենք-զինամթերքի առգրավման՝ 5, ծեծի՝ 4, ընտրական խախտումների հետ կապված դեպքերի ու թմրամիջոցների, հոգեմետ (հոգեներգործուն) նյութերի և (կամ) դրանց պրեկուրսորների մաքսանենգության՝ 3-ական, անձի առևանգման, խուլիգանության, հարկերից խուսափելու, ապօրինի ծառահատման, պաշտոնեական լիազորությունների չարաշահման, սպանության սպառնալիքի, յուրացման կամ վատնման և բժշկական օգնություն ու սպասարկում իրականացնողների կողմից մասնագիտական պարտականությունները չկատարելու կամ ոչ պատշաճ կատարելու, որն առաջացրել է հիվանդի մահ՝ 2-ական, կողոպուտի, պետական-հասարակական ունեցվածքի գողության, ավտոմեքենա փախցնելու, դրամանենգության, կաշառակերության, իշխանության ներկայացուցչի նկատմամբ բռնության, թմրանյութի իրացման, փաստաթղթի կեղծիքի, բռնագրավման ենթակա գույքի նկատմամբ ապօրինի գործողությունների, պատմամշակութային հուշարձանները վնասելու և 16 տարին չլրացած անձի նկատմամբ անառակաբարո գործողություններ կատարելու՝ 1-ական դեպք։
Հայտնաբերվել է 2 անհետ կորած, 9 հետախուզվող։ Կամավոր ներկայացել է 10 հետախուզվող։
Գրանցվել է զենք-զինամթերքի կամավոր հանձնման 6 դեպք։
Նախկինում կատարված հանցագործություններից բացահայտվել է անձնական ունեցվածքի գողության՝ 4, մարմնական վնասվածք պատճառելու, ավազակային հարձակման, պետական-հասարակական ունեցվածքի գողության և կողոպուտի 1-ական դեպք։
Անցած 3 օրվա ընթացքում հանրապետությունում արձանագրվել է ճանապարհատրանսպորտային 44 պատահար. 2 մարդ զոհվել է, 73-ը՝ ստացել տարբեր աստիճանի մարմնական վնասվածքներ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: