Օպերատիվ իրավիճակը հանրապետությունում մայիսի 14-ից 15-ը
![Օպերատիվ իրավիճակը հանրապետությունում մայիսի 14-ից 15-ը Օպերատիվ իրավիճակը հանրապետությունում մայիսի 14-ից 15-ը](/timthumb?src=/resources/police/img/news/big/1715755996-3289.jpeg&q=75&w=780&wm=1)
Ըստ ոստիկանության օպերատիվ հաղորդագրությունների ամփոփագրերի՝ մայիսի 14-ից 15-ը ՀՀ ՆԳՆ ոստիկանության ստորաբաժանումները բացահայտել են հանցագործության 86 դեպք, որից 3-ը՝ նախկինում կատարված։
Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու՝ 21, մարմնական վնասվածք պատճառելու և խարդախության՝ 8-ական, անձնական ունեցվածքի գողության՝ 7, ֆիզիկական ներգործության՝ 6, խուլիգանության, թմրամիջոցի հայտնաբերման ու փաստաթղթեր կեղծելու՝ 4-ական, շորթման, գույքը ոչնչացնելու կամ վնասելու ու պաշտոնեական լիազորությունները չարաշահելու՝ 3-ական, հոգեկան ներգործության՝ 2, զենք-զինամթերքի առգրավման, բուժաշխատողի կողմից մասնագիտական պարտականությունները չկատարելու, բռնություն գործադրելու հրապարակին կոչերի, ատելության, խտրականության կամ թշնամանք քարոզելուն ուղղված նյութեր կամ առարկաներ տարածելու, հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառության, քրեակատարողական հիմնարկում պահվող անձի կողմից վտանգ ներկայացնող առարկա ձեռք բերելու, աշխատանքային անվտանգության կանոնները կամ պահանջները խախտելու, ընդերքի օգտագործման կանոնները խախտելու, թմրամիջոցի մաքսանենգության և քրեակատարողական հիմնարկում պահվող անձի կողմից վտանգ ներկայացնող առարկա ձեռք բերելու՝ 1-ական դեպք։
Հայտնաբերվել է 6 հետախուզվող, կամավոր ներկայացել՝ 21-ը։
Գրանցվել է զենք-զինամթերքի կամավոր հանձնման 1 դեպք։
Նախկինում կատարված հանցագործության դեպքերից բացահայտվել է անձնական ունեցվածքի գողության, անձնական ունեցվածքի գողության փորձի և երեխայի խնամքի պարտականությունները ոչ պատշաճ կատարելու 1-ական դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 15 պատահար. 19 մարդ ստացել է տարբեր աստիճանի մարմնական վնասվածքներ։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: