Օպերատիվ իրավիճակը հանրապետությունում` փետրվարի 16-ից 19-ը ՏԵՍԱՆՅՈՒԹ
![Օպերատիվ իրավիճակը հանրապետությունում` փետրվարի 16-ից 19-ը ՏԵՍԱՆՅՈՒԹ Օպերատիվ իրավիճակը հանրապետությունում` փետրվարի 16-ից 19-ը ՏԵՍԱՆՅՈՒԹ](/timthumb?src=/resources/police/img/news/big/1519021970,81.jpeg&q=75&w=780&wm=1)
Ըստ ոստիկանության օպերատիվ հաղորդագրությունների ամփոփագրերի` փետրվարի 16-ից 19-ը հանրապետությունում արձանագրված մարմնական վնասվածք հասցնելու 31 դեպքից բացահայտվել է 19-ը։
Արձանագրվել է թմրամիջոցի հայտնաբերման 3 և զենք-զինամթերքի առգրավման 1 դեպք։
Բացահայտվել է գողության 18, խարդախության 15, կաշառակերության 6, անձի առևանգման, կողոպուտի, խուլիգանության և պաշտոնեական լիազորությունների չարաշահման 2-ական, հարկերից խուսափելու, գույքի դիտավորությամբ ոչնչացնելու և որսագողության 1-ական դեպք:
Նախկինում կատարված հանցագործություններից բացահայտվել է գողության 2 և մարմնական վնասվածք հասցնելու 1 դեպք:
Անցած 3 օրվա ընթացքում հանրապետությունում արձանագրվել է ճանապարհատրանսպորտային 28 պատահար, ինչի հետևանքով 1 մարդ զոհվել է, 42-ը` ստացել տարբեր աստիճանի մարմնական վնասվածքներ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: