Օպերատիվ իրավիճակը հանրապետությունում նոյեմբերի 24-ից 25-ը

Ըստ ոստիկանության օպերատիվ հաղորդագրությունների ամփոփագրերի` նոյեմբերի 24-ից 25-ը Հայաստանի Հանրապետության ոստիկանության ստորաբաժանումները բացահայտել են հանցագործության 46 դեպք, որից 1-ը՝ նախկինում կատարված։
Մասնավորապես՝ անձնական ունեցվածքի գողության՝ 8, մարմնական վնասվածք պատճառելու, թմրամիջոցի հայտնաբերման և խարդախության՝ 6-ական, ապօրինի ծառահատման՝ 5, պաշտոնեական լիազորությունները չարաշահելու՝ 3, զենք-զինամթերքի առգրավման և սպանության սպառնալիքի՝ 2-ական, կողոպուտի, յուրացնելու կամ վատնելու, պաշտոնեական կեղծիքի կամ անփութության, ինքնիրավչության, ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու, պետական սահմանն ապօրինի հատելու ու ծանր վիրավորանքի՝ 1-ական դեպք։
Հայտնաբերվել է 3 հետախուզվող։ Կամավոր ներկայացել է 7 հետախուզվող։
Գրանցվել է զենք-զինամթերքի կամավոր հանձնման 6 դեպք։
Նախկինում կատարված հանցագործություններից բացահայտվել է բնակարանային գողության 1 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 10 պատահար. 11 մարդ ստացել է տարբեր աստիճանի մարմնական վնասվածքներ: