Ծեծվել են վիճաբանությունների ժամանակ

Մայիսի 17-ին, ժամը 18.00-ին, ոստիկանության Վաղարշապատի բաժնի ծառայողները բաժին են հրավիրել 1956 թ. ծնված Ռոբերտ Մ.-ին:
Պարզվել է, որ նույն օրը, ժամը 13.00-ից 14.00-ն ընկած ժամանակահատվածում, Ջրառատ գյուղում, կենցաղային հարցերի շուրջ ծագած վիճաբանության ժամանակ, նրան ծեծի է ենթարկել 1980 թ. ծնված Ռազմիկ Ս.-ն՝ դեմքի մասում պատճառելով վնասվածքներ:
Ժամը 19.00-ին վերջինս բերման է ենթարկվել Վաղարշապատի բաժին:
Նշանակվել է դատաբժշկական փորձաքննություն:
Կատարվում է հետաքննություն:

***
Մայիսի 17-ին, ժամը 19.00-ին, 1982 թ. ծնված Արմեն Ղ.-ն ոստիկանության Տարոնի բաժնում հաղորդում է տվել, որ նույն օրը, ժամը 14.00-ի սահմաններում, Վանաձորի Տարոն-2 թաղամասում, վիճաբանության ժամանակ, իր ծանոթ Հենոն ձեռքերով մի քանի անգամ հարվածել է իր գլխին` պատճառելով վնասվածքներ:
Նշանակվել է դատաբժշկական փորձաքննություն:
Ձեռնարկված միջոցառումների շնորհիվ՝ պարզվել է, որ Հենոն 1970 թ. ծնված Հենրիկ Վ.-ն է, ով հրավիրվել է բաժին:
Կատարվում է հետաքննություն: