Օպերատիվ իրավիճակը հանրապետությունում ապրիլի 1-ից 2-ը

Ըստ ոստիկանության օպերատիվ հաղորդագրությունների ամփոփագրերի՝ ապրիլի 1-ից 2-ը ՆԳՆ ոստիկանության ստորաբաժանումները բացահայտել են հանցագործության 82 դեպք, որոնցից 4-ը՝ նախկինում կատարված:
Մասնավորապես՝ թմրանյութի հայտնաբերման՝ 10, մարմնական վնասվածք պատճառելու՝ 9, տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 8, խարդախության՝ 6, ֆիզիկական ներգործության, հոգեկան ներգործության և սառը զենք կրելու՝ 5-ական, փաստաթղթի կեղծիքի՝ 4, վստահված գույքի հափշտակման ու զենք-զինամթերքի առգրավման՝ 3-ական, անձնական ունեցվածքի գողության և խուլիգանության՝ 2-ական, խոշտանգման, համակարգչային հափշտակության, դրամանենգության, գույքը ոչնչացնելու կամ վնասելու, բուժաշխատողի կողմից մասնագիտական պարտավորությունները չկատարելու, թմրանյութի իրացման, դատարանի որոշումը չկատարելու, ապօրինի ազատությունից զրկելու, սեքսուալ բնույթի բռնի գործողության և հոգեկան ներգործության, թմրամիջոցի մաքսանենգության և հայտնաբերման, դատավարության մասնակիցների լիազորությունների իրականացմանը խոչընդոտելու, մեկից ավելի անգամ կամ այլ անձի փոխարեն քվեարկելու, նախաքննությանը խոչընդոտելու, երեխայի դաստիարակության կամ խնամքը չկատարելու կամ ոչ պատշաճ կատարելու, ինքնիրավչության, ալիմենտ վճարելուց խուսափելու և հետամտելու՝ 1-ական դեպք։
Հայտնաբերվել է 7 հետախուզվող, կամավոր ներկայացել՝ 8-ը։
Հայտնաբերվել է 1 անհետ կորած։
Գրանցվել է զենք-զինամթերք կամավոր հանձնելու 12 դեպք։
Անցած 1 օրվա ընթացքում հանրապետությունում արձանագրվել է մարմնական վնասվածքներով ճանապարհատրանսպորտային 11 պատահար․ 14 անձ ստացել է տարբեր աստիճանի մարմնական վնասվածքներ։