Օպերատիվ իրավիճակը հանրապետությունում ապրիլի 3-ից 4-ը

Ըստ ոստիկանության օպերատիվ հաղորդագրությունների ամփոփագրերի՝ ապրիլի 3-ից 4-ը ՆԳՆ ոստիկանության ստորաբաժանումները բացահայտել են հանցագործության 89 դեպք, որոնցից 5-ը՝ նախկինում կատարված:
Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 20, թմրանյութի հայտնաբերման՝ 11, մարմնական վնասվածք պատճառելու և անձնական ունեցվածքի գողության` 6-ական, ֆիզիկական ներգործության` 5, խարդախության՝ 4, խուլիգանության ու բուժաշխատողի կողմից մասնագիտական պարտավորությունները չկատարելու՝ 3-ական, գույքը ոչնչացնելու և վնասելու, զենք-զինամթերքի առգրավման, թմրանյութի իրացման, փաստաթղթի կեղծիքի և աշխատանքի պաշտպանության կամ անվտանգության ապահովման կանոնները խախտելու՝ 2-ական, բնակարանային գողության, ավտոմեքենայի գողության, ապօրինի ձեռնարկատիրական գործունեության, համակարգչային հափշտակության, տրանսպորտային միջոցի նույնականացման տարրերը կեղծելու կամ ջնջելու, ընդերքի պահպանման կամ օգտագործման պահանջները խախտելու, բռնություն գործադրելու հրապարակային կոչերի, բռնությունը հրապարակայնորեն արդարացնելու կամ քարոզելու, ինչպես նաև այդ նպատակով նյութեր կամ առարկաներ տարածելու, մեկից ավելի անգամ կամ այլ անձի փոխարեն քվեարկելու, առևտրային կամ բանկային գաղտնիք կազմող տեղեկությունները օգտագործելու, գույքային վնաս պատճառելու, ծնողի կամ այլ մերձավոր ազգականի և երեխայի միջև տեսակցության իրականացմանը խոչընդոտելու, նոտարին սուտ տեղեկություններ հաղորդելու, անվտանգության պահանջներին չհամապատասխանող հումքերի կամ ապրանքների շրջանառության, աշխատանքների կատարման կամ ծառայությունների մատուցման, ինքնակամ շենքերի, շինությունների կառուցումը չդադարեցնելու և անօրինական կառույցները չքանդելու, բնակարանի անձեռնմխելիությունը խախտելու ու սառը զենքի հայտնաբերման՝ 1-ական դեպք։
Նախկինում կատարված հանցագործություններից բացահայտվել է անձնական ունեցվածքի գողության՝ 2, բնակարանային գողության փորձի, մարմնական վնասվածք պատճառելու և խարդախության՝ 1-ական դեպք։
Հայատնաբերվել է 7 հետախուզվող, կամավոր ներկայացել՝ 1-ը։
Գրանցվել է զենք-զինամթերքի կամավոր հանձնման 2 դեպք։
Անցած 1 օրվա ընթացքում հանրապետությունում արձանագրվել է մարմնական վնասվածքներով ճանապարհատրանսպորտային 9 պատահար․14 անձ ստացել է տարբեր աստիճանի մարմնական վնասվածքներ։