Օպերատիվ իրավիճակը հանրապետությունում հոկտեմբերի 9-ից 10-ը
Բացահայտվել է 119 հանցագործություն, որոնցից 7-ը՝ նախկինում կատարված:
Մասնավորապես՝
☑️23 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
☑️13 դեպք՝ ֆիզիկական ներգործության,
☑️12-ական դեպք՝ մարմնական վնասվածք պատճառելու, խարդախության,
☑️11 դեպք՝ թմրանյութի հայտնաբերման,
☑️6 դեպք՝ անձնական ունեցվածքի գողության,
☑️4-ական դեպք՝ գույքը ոչնչացնելու կամ վնասելու, սառը զենքի հայտնաբերման,
☑️3-ական դեպք՝ հոգեկան ներգործության,
☑️2-ական դեպք՝ զենք-զինամթերքի առգրավման, անձնական կամ ընտանեկան կյանքի գաղտնիությունը խախտելու, աշխատանքի պաշտպանության կանոնները խախտելու:
Բացահայտվել են նաև կողոպուտի, ապօրինի ձեռնարկատիրական գործունեության, համակարգչային հափշտակության, խուլիգանության, ծառերը, թփերը ապօրինի հատելու, թմրամիջոցների մաքսանենգության դեպքեր։
Նախկինում կատարված հանցագործություններից բացահայտվել է՝
☑️4 դեպք՝ անձնական ունեցվածքի գողության։
☑️1-ական դեպք՝ ծառերը-թփերը ապօրինի հատելու, շորթման, ֆիզիկական ներգործության։
Հայտնաբերվել է 8 հետախուզվող, կամավոր ներկայացել է 5-ը։
Հայտնաբերվել է 1 անհետ կորած։
Գրանցվել է զենք-զինամթերք կամավոր հանձնելու 2 դեպք։
ՃՏՊ վիճակագրություն
Անցած 1 օրում գրանցվել է 13 ավտովթար․ 3 մարդ զոհվել է, 19-ը՝ ստացել տարբեր աստիճանի մարմնական վնասվածքներ։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
