Օպերատիվ իրավիճակը հանրապետությունում նոյեմբերի 8-ից 11-ը

Ըստ ոստիկանության օպերատիվ հաղորդագրությունների ամփոփագրերի՝ նոյեմբերի 8-ից նոյեմբերի 11-ը ՆԳՆ ոստիկանության ստորաբաժանումները բացահայտել են հանցագործության 190 դեպք, որոնիցի 6-ը՝ նախկինում կատարված:
Մասնավորապես՝ թմրանյութի հայտնաբերում 38, տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 33, ֆիզիկական ներգործության՝ 21, մարմնական վնասվածք պատճառելու՝ 14, խարդախության՝ 13, անձնական ունեցվածքի գողության՝ 6, հոգեկան ներգործության և համակարգչային հափշտակության՝ 5-ական, խուլիգանության, թմրանյութի իրացման, փաստաթղթեր կեղծելու և սառը զենքի հայտնաբերման՝ 4-ական, գույքը ոչնչացնելու կամ վնասելու, բնակարանային գողության, սպանության ու խուլիգանության՝ 3-ական, ավազակության, ծառերը, թփերը ապօրինի հատելու, դրամանենգության, կողոպուտի, շորթման, աշխատանքային անվտանգության կանոնները խախտելու ու բնակարանի անձեռնմխելիությունը խախտելու՝ 2-ական, խոշտանգման, անձի տիրապետությունից դուրս եկած գույքին տիրանալու, ինքնիրավչության, վստահված գույքի հափշտակման, պաշտոնեական լիազորությունների չարաշահման, զենք-զինամթերքի առգրավման, ապօրինի ձեռնարկատիրական գործունեության, կաշառակերության, պաշտոնեական կեղծիքի կամ անփութության, անառկաբարո արարք կատարելու և ինքնավնասման՝ 1-ական դեպք։
Նախկինում կատարված հանցագործության դեպքերից բացահայտվել է անձնական ունեցվածք գողության՝ 3, մարմնական վնասվածք պատճառելու, բնակարանային գողության ու կողոպուտի՝ 1-ական դեպք։
Հայտնաբերվել է 9 հետախուզվող, կամավոր ներկայացել՝ 4-ը։
Հայտնաբերվել է 2 անհետ կորած։
Գրանցվել է զենք-զինամթերքի կամավոր հանձնման 2 դեպք։
Անցած 3 օրվա ընթացքում հանրապետությունում արձանագրվել է ճանապարհատրանսպորտային 35 պատահար. 1 մարդ զոհվել է, 57-ը՝ ստացել տարբեր աստտիճանի մարմնական վնասվածքներ։