Պատահարներ Երևանում և հանրապետության ավտոճանապարհներին

Փետրվարի 22-ին, ժամը 00.10-ին, հիվանդանոցից Ճանապարհային ոստիկանություն հաղորդում է ստացվել, որ մարմնական վնասվածքներով բուժօգնության է դիմել 33-ամյա տղամարդ, որը հայտարարել է, որ վնասվածքները ստացել է փետրվարի 20-ին, ժամը 22.40-ին, իր վարած «ԲՄՎ» մակնիշի ավտոմեքենայով Երևանի Բաղրամյան պողոտայի թիվ 1 հասցեի դիմաց կայանված մի քանի ավտոմեքենաների բախվելու հետևանքով:
Տուժողը բուժօգնություն ստանալուց հետո հեռացել է:
Կատարվում է քննություն:

***
Փետրվարի 21-ին, ժամը 20.00-ին, Երևանի Սեբաստիայի փողոցի թիվ 52/1 հասցեի դիմաց իրար են բախվել «Ֆորդ», «Օպել» և «Ֆոլքսվագեն» մակնիշի ավտոմեքենաներ:
«Ֆոլքսվագեն»-ի ուղևորուհին վնասվածքներով տեղափոխվել է հիվանդանոց:
Կատարվում է քննություն:

***
Փետրվարի 21-ին, ժամը 00.20-ին, Երևանի Նանսենի փողոցի թիվ 1/8 հասցեի մոտ իրար են բախվել «Օպել» և «Ֆոլքսվագեն» մակնիշի ավտոմեքենաներ:
«Օպել»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***
Փետրվարի 21-ին, ժամը 09.10-ի սահմաններում, «ՎԱԶ-2106» մակնիշի ավտոմեքենայի վարորդը Արարատ գյուղի Սողոմոն Եղիազարյանի փողոցում վրաերթի է ենթարկել 26-ամյա երիտասարդի, ով բուժօգնության է դիմել հիվանդանոց:
Կատարվում է քննություն:

***
Փետրվարի 21-ին, ժամը 10.45-ի սահմաններում, Արմավիր-Երևան ճանապարհի 23-րդ կմ-ին իրար են բախվել «Տոյոտա Պրադո» և «ՎԱԶ-2104» մակնիշի ավտոմեքենաներ:
«Տոյոտա Պրադո»-ի 2 ուղևորները մարմնական վնասվածքներով տեղափոխվել են հիվանդանոց, իսկ «ՎԱԶ-2104»-ի վարորդը` 1970 թ. ծնված Կամո Զարգարյանը, տեղում մահացել է:
Կատարվում է քննություն:

***
Փետրվարի 21-ին, ժամը 11.30-ի սահմաններում, «ԿամԱԶ» մակնիշի ավտոմեքենայի վարորդը Էջմիածին-Մարգարա ճանապարհի 7-րդ կմ-ին վրաերթի է ենթարկել 32-ամյա տղամարդու, որը բուժօգնության է դիմել հիվանդանոց, իսկ վարորդն ինքնակամ ներկայացել է բաժին:
Կատարվում է քննություն:

***
Փետրվարի 21-ին, ժամը 19.00-ի սահմաններում, «ՎԱԶ-2107» մակնիշի ավտոմեքենան Արմավիրի մարզի Մերձավան գյուղից Այգեկ տանող ճանապարհին բախվել է քարի:
Վարորդը մարմնական վնասվածքով տեղափոխվել է հիվանդանոց:
Կատարվում է քննություն:

***
Փետրվարի 21-ին, ժամը 22.00-ի սահմաններում, Սևան-Մարտունի-Գետափ ճանապարհի 61-րդ կմ-ին իրար են բախվել «ՎԱԶ-21102» և «Մերսեդես Ց 180» մակնիշի ավտոմեքենաներ:
«Մերսեդես Ց 180»-ի ուղևորը, «ՎԱԶ-21102»-ի 2 ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Փետրվարի 21-ին, ժամը 23.00-ի սահմաններում, Վանաձորի Տիգրան Մեծի պողոտայի թիվ 47 հասցեի դիմաց «Սուբարու Ֆոռեսթեր» մակնիշի ավտոմեքենան հարվածել է «ՎԱԶ-2109», «ԳԱԶ-3110» և «Օպել Սենտրա» մակնիշի ավտոմեքենաների:
«Օպել Սենտրա»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***
Փետրվարի 22-ին, ժամը 15.40-ին, Երևանի Հալաբյան փողոցի թիվ 53 շենքի մոտ «Մերսեդես» մակնիշի ավտոմեքենա է բախվել «ՎԱԶ-21074» մակնիշի ավտոմեքենայի:
«Մերսեդես»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***
Փետրվարի 22-ին, ժամը 02.20-ին, Երևանի Արշակունյաց պողոտայի և Գարեգին Նժդեհի փողոցի խաչմերուկում իրար են բախվել «Տոյոտա» և «Լադա Պրիորա» մակնիշի ավտոմեքենաներ:
«Լադա Պրիորա»-ի վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Փետրվարի 22-ին, ժամը 23.40-ին, Երևանի Արտաշիսյան փողոցի 41 շենքի դիմաց «ՎԱԶ 21074» մակնիշի ավտոմեքենան բախվել է «Բիյուայդի» մակնիշի ավտոմեքենային:
«ՎԱԶ 21074»-ի ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:

***
Փետրվարի 22-ին, ժամը 20.30-ին, «ԲՄՎ» մակնիշի ավտոմեքենայի վարորդը Երևանի Սեբաստիայի և Ա. Վագների փողոցների խաչմերուկում վրաերթի է ենթարկել 34-ամյա տղամարդու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Փետրվարի 22-ին, ժամը 23.00-ի սահմաններում, Արարատի մարզի Վեդի քաղաքի Արարատյան փողոցի լուսացույցի մոտ «Մերսեդես Բենց E 270 CDI» մակնիշի ավտոմեքենա է բախվել «Մերսեդես Բենց C-180» մակնիշի ավտոմեքենայի:
«Մերսեդես Բենց C-180»-ի 2 ուղևորուհիները մարմնական վնասվածքներով տեղափոխվել են հիվանդանոց:
Կատարվում է քննություն:

***
Փետրվարի 22-ին, ժամը 16.15-ին, հիվանդանոցից ոստիկանության Տաշիրի բաժնում հաղորդում է ստացվել, որ «գլխուղեղի ցնցում, կրծքավանդակի սալջարդ ձախից վնասվածքով» բուժօգնության է դիմել 28-ամյա տղամարդ:
Մեկնած օպերատիվ խումբը պարզել է, որ փետրվարի 21-ին, ժամը 19.50-ի սահմաններում, հիշյալ տղամարդու վարած «Մերսեդես C-180» մակնիշի ավտոմեքենան բախվել է Երևանյան թիվ 346 հասցեի մոտ, ճամփեզրին կայանված «Մերսեդես G 270 CDI» մակնիշի ավտոմեքենայի և ընթացող «Օպել Աստրա G» մակնիշի ավտոմեքենայի:
Կատարվում է քննություն:

***
Փետրվարի 22-ին, ժամը 05.30-ի սահմաններում, Ծաղկաձոր քաղաքի Սարալանջի փողոցում «Օպել Աստրա» մակնիշի ավտոմեքենա է դուրս եկել երթևեկելի գոտուց և կողաշրջվել, ինչի հետևանքով ուղևորը մարմնական վնասվածքով տեղափոխվել է հիվանդանոց:
Կատարվում է քննություն: