Ապօրինի զենք-զինամթերքի հայտնաբերման աշխատանքները շարունակվում են. ոստիկանները Վանաձորում լիցքավորված ատրճանակ և գաղտնի փականով ծալովի դանակ են հայտնաբերել
![Ապօրինի զենք-զինամթերքի հայտնաբերման աշխատանքները շարունակվում են. ոստիկանները Վանաձորում լիցքավորված ատրճանակ և գաղտնի փականով ծալովի դանակ են հայտնաբերել Ապօրինի զենք-զինամթերքի հայտնաբերման աշխատանքները շարունակվում են. ոստիկանները Վանաձորում լիցքավորված ատրճանակ և գաղտնի փականով ծալովի դանակ են հայտնաբերել](/timthumb?src=/resources/police/img/news/big/1503674195,6446.jpeg&q=75&w=780&wm=1)
Օգոստոսի 25-ին ոստիկանության Լոռու մարզային վարչության, Բազումի և Գուգարքի բաժինների ծառայողների ուշադրությունից չվրիպեցին կասկածելի տղամարդիկ, և ժամը 16:10-ին Վանաձորի Վարդանանց փողոցում գործող սրճարանի մոտից, ապօրինի զենք-ռազմամթերք պահելու և կրելու կասկածանքով, բաժին բերման են ենթարկվել 1981 թ. ծնված Արթուր Ա.-ն և 1979 թ. ծնված Արա Ք.-ն:
Խուզարկությամբ՝ Արթուր Ա.-ի գոտկատեղից հայտնաբերվեց 9 մմ տրամաչափի, «Մակարով» ատրճանակ՝ պահունակով, լիցքավորված 7 փամփուշտով, փողում՝ մեկ փամփուշտով, իսկ գրպանից՝ գաղտնի փականով ծալովի դանակ:
Հայտնաբերածն ուղարկվել է փորձաքննության:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: