Որպես անհետ կորած որոնվող Արտյոմ Հարությունյանը հայտնաբերվել է

Ոստիկանության ծառայողների ձեռնարկած օպերատիվ-հետախուզական և որոնողական աշխատանքների շնորհիվ նոյեմբերի 11-ին Արտյոմ Հարությունյանը հայտնաբերվել է:
Հիշեցնենք, որ ոստիկանության Մալաթիայի բաժնի կողմից որպես անհետ կորած որոնվում էր Երևան քաղաքի Սվաճյան փողոցի 12 շենք 69 բնակարանի բնակիչ, 1962 թ. ծնված Արտյոմ Հարությունյանը, որը նոյեմբերի 7-ին, ժամը 10:00-ից 11:00-ն ընկած ժամանակահատվածում, դուրս էր եկել տնից և չէր վերադարձել: