Սուրճ խմելու նպատակով գնացել է հարևանի տուն և գողություն կատարել

Նոյեմբերի 15-ին, ժամը 22.30-ին, 1988 թ. ծնված Մացակ Հ.-ն ոստիկանության Աշտարակի բաժնում հաղորդում է տվել, որ Ոսկեվազ գյուղում գտնվող իր տան ննջասենյակի պահարանին դրված դրամապանակից գողացել են 6.500 ռուբլի:
Ձեռնարկված օպերատիվ-հետախուզական միջոցառումների շնորհիվ պարզվել է, որ գողությունը կատարել է 1991 թ. ծնված Վարդանուշ Մ.-ն, ով բերման է ենթարկվել և տվել խոստովանական բացատրություն, որ սուրճ խմելու նպատակով գնացել է հարևան Մացակ Հ.-ի տուն, որտեղ օգտվելով վերջինիս մոր անուշադրությունից, մտել է ննջասենյակ և պահարանի վրա դրված դրամապանակից գողացել 6.500 ռուբլի գումար:
Վարդանուշ Մ.-ն գումարը ներկայացրել է ոստիկանություն:
Կատարվում է հետաքննություն: