ՀՀ-ում ԱՄՆ հյուպատոսը ՀՀ ոստիկանությունում (ՏԵՍԱՆՅՈՒԹ)
![ՀՀ-ում ԱՄՆ հյուպատոսը ՀՀ ոստիկանությունում (ՏԵՍԱՆՅՈՒԹ) ՀՀ-ում ԱՄՆ հյուպատոսը ՀՀ ոստիկանությունում (ՏԵՍԱՆՅՈՒԹ)](/timthumb?src=/resources/police/img/news/big/1485526344,4661.jpeg&q=75&w=780&wm=1)
Հունվարի 27-ին ոստիկանության շտաբի պետ, ոստիկանության գնդապետ Հովհաննես Քոչարյանն ընդունեց Հայաստանի Հանրապետությունում ԱՄՆ հյուպատոս Էրին Յուսենին:
Շնորհավորելով հյուրին նշանակման կապակցությամբ՝ Հովհաննես Քոչարյանը հույս հայտնեց, որ գործընկերային հարաբերությունները ոստիկանության և դեսպանության միջև էլ ավելի կամրապնդվեն:
Տիկին Յուսենը շնորհակալություն հայտնելով ջերմ ընդունելության համար՝ հավաստիացրեց, որ արդեն իսկ կայացած գործընկերությունը կշարունակվի զարգանալ:
Հյուրերի կողմից մի շարք հարցադրումներ արվեցին անչափահասների հետ տարվող աշխատանքների և ընտանեկան բռնության առնչությամբ:
Հանդիպման ընթացքում ներկայացվեց այդ ուղղությամբ ոստիկանության կողմից տարվող աշխատանքների վիճակը:
Հանդիպման ընթացքում կողմերը քննարկեցին փոխադարձ հետաքրքրություն ներկայացնող այլ հարցեր եւս: