Օպերատիվ իրավիճակը հանրապետությունում հոկտեմբերի 25-ից 26-ը
![Օպերատիվ իրավիճակը հանրապետությունում հոկտեմբերի 25-ից 26-ը Օպերատիվ իրավիճակը հանրապետությունում հոկտեմբերի 25-ից 26-ը](/timthumb?src=/resources/police/img/news/big/1635228476-0998.jpeg&q=75&w=780&wm=1)
Ըստ ոստիկանության օպերատիվ հաղորդագրությունների ամփոփագրերի` հոկտեմբերի 25-ից 26-ը Հայաստանի Հանրապետության ոստիկանության ստորաբաժանումները բացահայտել են հանցագործության 75 դեպք, որից 10-ը՝ նախկինում կատարված։
Մասնավորապես՝ խարդախության՝ 14, թմրամիջոցների, հոգեմետ նյութերի և դրանց պրեկուրսորների մաքսանենգության՝ 8, մարմնական վնասվածք պատճառելու՝ 7, անձնական ունեցվածքի գողության՝ 6, յուրացնելու կամ վատնելու և ընտանեկան բռնության՝ 5-ական, պաշտոնեական լիազորությունների չարաշահման՝ 3, կողոպուտի, համակարգչային հանցագործության, թմրամիջոցի հայտնաբերման ու կաշառակերության՝ 2-ական, պետական-հասարակական ունեցվածքի գողության, շորթման, ապօրինի ծառահատման, սպանության սպառնալիքի, ակցիզային դրոշմանիշերով դրոշմավորման կանոնները խախտելու, առևտրային կամ այլ կազմակերպությունների ծառայողների կողմից լիազորությունները չարաշահելու, փաստաթղթեր կեղծելու, իրացնելու կամ օգտագործելու, ծանր վիրավորանքի, ընդերքի պահպանման և օգտագործման կանոնները խախտելու, արդարադատության իրականացմանը խոչընդոտելու ու բժշկական օգնություն և սպասարկում իրականացնողների կողմից մասնագիտական պարտականությունները չկատարելու կամ ոչ պատշաճ կատարելու՝ 1-ական դեպք։
Հայտնաբերվել է 6 հետախուզվող։ Կամավոր ներկայացել է 8 հետախուզվող։
Գրանցվել է զենք-զինամթերքի կամավոր հանձնման 2 դեպք։
Նախկինում կատարված հանցագործություններից բացահայտվել է անձնական ունեցվածքի գողության՝ 7, մարմնական վնասվածք պատճառելու, գույքը դիտավորությամբ վնասելու և խուլիգանության 1-ական դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 8 պատահար. 3 մարդ զոհվել է, 11-ը՝ ստացել տարբեր աստիճանի մարմնական վնասվածքներ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: