Օպերատիվ իրավիճակը հանրապետությունում հոկտեմբերի 5-ից 6-ը

Ըստ ոստիկանության օպերատիվ հաղորդագրությունների ամփոփագրերի` հոկտեմբերի 5-ից 6-ը Հայաստանի Հանրապետության ոստիկանության ստորաբաժանումները բացահայտել են հանցագործության 15 դեպք։
Մասնավորապես՝ խարդախության՝ 4, մարմնական վնասվածք պատճառելու` 2, սպանության փորձի, անձնական ունեցվածքի գողության, բնակարանային գողության, կաշառակերության, պաշտոնեական լիազորությունների չարաշահման, ծեծի, ընտանեկան բռնության, սպառնալիքի և բժշկական օգնություն և սպասարկում իրականացնողների կողմից մասնագիտական պարտականությունները չկատարելու կամ ոչ պատշաճ կատարելու՝ 1-ական դեպք։
Հայտնաբերվել է 7 հետախուզվող, կամավոր ներկայացել է 2-ը։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 11 պատահար. 17 մարդ ստացել է տարբեր աստիճանի մարմնական վնասվածքներ: