Վարդենիսի ոստիկանները բացահայտեցին Խաչաղբյուր գյուղում կատարված անասնագողությունը

Հունիսի 10-ին ոստիկանություն զանգած Խաչաղբյուր գյուղի բնակիչը հայտնեց, որ իր անասնագոմից գողություն են արել:
Դեպքի վայր մեկնած ոստիկանության Վարդենիսի բաժնի օպերատիվ խումբը արձանագրեց, որ գիշերը անասնագոմի դռան երկաթյա փականը բացելով՝ մտել են և գողացել 3 գառ և 1 հորթ:
Վնասի չափը շուրջ 200.000 դրամի էր:
Վարդենիսի ոստիկանների անհետաձգելի միջոցառումների շնորհիվ պարզվեց, որ գողությունը կատարել են 38 և 39 տարեկան եղբայրներ՝ իրենց «ՎԱԶ-21099» մեքենայով։
Նրանք հրավիրվել են ոստիկանություն, իսկ մեքենան տեղափոխվել է բաժնի պահպանվող հատուկ տարածք։
Հորթը վերադարձվել է տիրոջը։
Փաստի առթիվ հարուցվել է քրեական գործ։
Ձեռնարկվում են միջոցառումներ` գողոնի մյուս մասը հայտնաբերելու ուղղությամբ:
Քննությունը շարունակվում է։