Անչափահասը դիտավորությամբ վնասել է խաղասրահի համակարգիչները

Հուլիսի 7-ին, ժամը 22.16-ին, ոստիկանության Կենտրոնական բաժնում հաղորդում է ստացվել, որ ինչոր մեկն ուզում է կոտրել Տերյան փողոցի խաղասրահի համակարգիչները:
Դեպքի վայր մեկնած ոստիկանները բաժին են ներկայացրել 15 և 12 տարեկան պատանիների: Նրանցից մեկը դիտավորությամբ վնասել էր համակարգչային խաղասրահի երեք համակարգիչները:
Տուժողից ընդունվել է հաղորդում:
Նշանակվել է փորձաքննություն:
Վնասի չափը պարզվում է:
Նախապատրաստվում են նյութեր: