Հայտնաբերվել է անհետ կորածի դին

Մարտի 15-ից որպես անհետ կորած որոնվում էր 1931թ. ծնված Ալում Ջահանգիրյանը:
Ոստիկանության Գորիսի բաժնի ծառայողների ձեռնարկած որոնողական աշխատանքների արդյունքում մարտի 27-ին, ժամը 12.10-ի սահմաններում, Գորիս քաղաքի «Սնդիր ձոր» կոչվող տարածքում հայտնաբերվել է Ալում Ջահանգիրյանի դին։ Նրա մարմնի տեսանելի հատվածներում մարմնական վնասվածքների օբյեկտիվ հատկանիշներ չեն հայտնաբերվել:
Նշանակվել է դիակի դատաբժշկական փորձաքննություն:
Հանգամանքները պարզվում են: