Հայտնաբերվել է անհետ կորած տղամարդու դին

Դեկտեմբերի 2-ին, ժամը 12.55-ին, ոստիկանության Նաիրիի բաժնի ծառայողները Պռոշյան գյուղի Գևորգ Չաուշի թաղամասի հարակից դաշտում հայտնաբերել են դիմային հատվածը հոշոտված անհայտ անձի դիակ։ Զննությամբ բռնության հետքեր չեն հայտնաբերվել:
Ձեռնարկված օպերատիվ-հետախուզական և քննչական միջոցառումների շնորհիվ պարզվել է, որ հայտնաբերվածը 92-ամյա Վարդան Բաղդասարյանի դիակն է։ Նա նոյեմբերի 21-ից ոստիկանության Շենգավիթի բաժնի կողմից որոնվում էր որպես անհետ կորած:
Նշանակվել է դատաբժշկական փորձաքննություն:
Կատարվում է նախաքննություն:

28.11.2019 12:39

92-ամյա տղամարդը որոնվում է որպես անհետ կորած (ՏԵՍԱՆՅՈՒԹ)

Ոստիկանության Շենգավիթի բաժնի կողմից որպես անհետ կորած որոնվում է 92-ամյա Վարդան Բաղդասարյանը։ Նրա գտնվելու վայրի մասին տեղեկություն ունեցողներին խնդրում ենք դիմել ոստիկանության Շենգավիթի կա՛մ մոտակա բաժին, կա՛մ զանգահարել 1-02, 010 42 02 02 հեռախոսահամարներով։