Արաբկիրի ոստիկանները մեքենաներից կատարված գողությունների դեպքեր են բացահայտել (ՏԵՍԱՆՅՈՒԹ)

Հոկտեմբերի 23-ին ոստիկանության Արաբկիրի բաժնում գողության փորձի դեպք էր արձանագրվել։ Քրեական հետախուզության բաժանմունքի ծառայողները, օպերատիվ միջոցառումների շնորհիվ, պարզեցին հանցագործությունը կատարելու մեջ կասկածվող անձի ինքնությունն ու դեպքից օրեր անց նրան հայտնաբերեցին և բերման ենթարկեցին բաժին։ Երևանի բնակիչ, 36-ամյա տղամարդը խոստովանական բացատրություն տվեց։ Դեպքի առթիվ նախապատրաստված նյութերի ընթացքում փաստական տվյալներ ձեռք բերվեցին, որ բերման ենթարկվածը Արբակիր վարչական շրջանի տարբեր հատվածներում 10-ից ավելի մեքենաների հայելիներ է գողացել։ Տուժած անձանց մեծ մասից հաղորդում է ընդունվել։ Գողոնը հայտնաբերելու միջոցառումները շարունակվում են։ Կատարվում է քննություն։