Արտաշատի ոստիկանները բացահայտել են նախկինում կատարված կողոպուտը

Հունվարի 10-ին ոստիկանության Արտաշատի բաժնի անչափահասների գործերով և ընտանիքում բռնության կանխարգելման բաժանմունքի ծառայողները տեղեկություններ էին ստացել, որ անցած տարվա մայիսին 18 և 23 տարեկան երկու երիտասարդ Արտաշատի Արամ Խաչատրյան փողոցում հափշտակել էին մի կնոջ պայուսակը, ապա փողը վերցնելով՝ պայուսակը վերադարձրել էին կնոջը։
Արտաշատի ոստիկանները տեղեկության իսկությունը ճշտելուց հետո նախ հայտնաբերեցին 18-ամյա երիտասարդին ու, կողոպուտ կատարելու կասկածանքով, բերման ենթարկեցին բաժին, իսկ 23-ամյա երիտասարդը ոստիկանություն ներկայացավ բացատրական աշխատանքի շնորհիվ։
Նրանք խոստովանել են արարքը։
Դեպքի հանգամանքները քննությամբ պարզվում են: