Արմավիրի ոստիկաններն իրացրին օպերատիվ տվյալներն ու հայտնաբերեցին թմրանյութը

Օրերս ոստիկանության Արմավիրի բաժնի քրեական հետախույզները, ստացված օպերատիվ տվյալներն իրացնելիս, Նալբանդյան գյուղից բաժին բերման են ենթարկել 31-ամյա մի տղամարդու՝ «Նիսան» մակնիշի մեքենայով հանդերձ: Բացի վարորդից մեքենայում էին ևս երեք հոգի` Արմավիրի մարզի տարբեր գյուղերի բնակիչներ: Նրանցից մեկի` Արմավիր գյուղի 35-ամյա բնակչի մոտ հայտնաբերվել է ծխած գլանակ` լցված յուրահատուկ սուր հոտ ունեցող, դեղնականաչավուն մարիխուանայի նմանվող զանգվածով:
Հաջորդ օրը ոստիկանները զննել են նաև հատուկ պահպանվող տարածք տեղափոխված ու կնիքված «Նիսանը»: Վարորդի և հետևի ուղևորի ոտքերի տակ փռած գորգերի վրայից հայտնաբերվել են ընդհանուր 7 գրամից ավելի քաշով մարիխուանայի նմանվող զանգվածներ:
Հայտնաբերվածը փաթեթավորվել և ուղարկվել է փորձաքննության: Հանգամանքները պարզվում են։