ՀՀ ՆԳՆ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:

Համագյուղացիների ծեծկռտուքը հանգուցալուծվել էր կրակոցով․ Արմավիրի ոստիկանների բացահայտումը

Ոստիկանության Արմավիրի բաժնի քրեական հետախույզները տեղեկություններ էին ձեռք բերել, որ Արևիկ գյուղում բնակվող 36-ամյա երկու տղամարդ գյուղում վիճել էին, փոխադարձ հարվածներ հասցրել միմյանց։ Ըստ տեղեկությունների՝ միջադեպի ընթացքում կրակոց էլ էր հնչել։ Արևիկում ձեռնարկված հետախուզական միջոցառումների արդյունքում պարզվեց, որ կողմերից մեկը մեքենայից հանել է իր որսորդական հրացանն ու կրակել մյուսի մեքենայի ուղղությամբ։ Տարված բացատրական աշխատանքի արդյունքում համագյուղացի տղամարդիկ ներկայացան ոստիկանության Արմավիրի բաժին։ Վնասված մեքենան էլ տեղափոխվեց բաժնի հատուկ պահպանվող տարածք։ Հայտնաբերվել է նաև հրացանը, որն օրինական է։ Նշանակվել է դատաբժշկական, դատաապրանքագիտական ու դատահետքաբանական համալիր փորձաքննություններ։ Դեպքի հանգամանքները պարզվում են։ 

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: