Արտաշատի ոստիկանները հայտնաբերել են մեթամֆետամին

Փետրվարի 4-ին ոստիկանության Արտաշատի բաժնի քրեական հետախուզության բաժանմունքում օպերատիվ տվյալներ ստացվեցին, որ Արտաշատի 35-ամյա մի բնակիչ Երևանում ձեռք է բերել թմրանյութ և իր «ՎԱԶ-2107» մեքենայով Արտաշատում է։ Նույն օրը նա հայտնաբերվեց Արտաշատի Օգոստոսի 23-ի փողոցում ու կասկածանքով բերման ենթարկվեց բաժին։ Անձնական խուզարկությամբ նրա բջջային հեռախոսի պատյանի միջից հայտնաբերվեց փայլաթիթեղով փաթեթավորված սպիտակ, բյուրեղանման զանգված։
Ըստ բերման ենթարկվածի՝ հայտնաբերվածը կրիստալ թմրանյութ է, ձեռք է բերել անձնական օգտագործման համար:
Թմրանյութի ձեռքբերման հանգամանքները պարզվում են։
Նշանակվել են փորձաքննություններ։