Արտաշատի ոստիկաններն ապօրինի պահվող զինամթերք ու թմրանյութ են հայտնաբերել

Հարուցված քրեական գործի շրջանակներում՝ փետրվարի 8-ին Արարատի և Վայոց ձորի մարզերի ընդհանուր իրավասության դատարանի որոշմամբ ոստիկանության Արտաշատի բաժնի ծառայողները խուզարկեցին Այգեզարդ գյուղի տունն ու կից շինությունները:
Ավտոտնակում հայտնաբերվեց «Կալաշնիկովի» ինքնաձիգի 31 փամփուշտ, իսկ բակից՝ մետաղյա մահակ: Բայց սա ամենը չէր: Իրավապահները խուզարկությամբ տան տարբեր հատվածներից հայտնաբերեցին 5 փաթեթ՝ ընդհանուր մոտ 150 գրամ չորացված, մանրացված թմրամիջոցի նմանվող զանգվածներով և մոտ 20 սմ կանեփի չորացած ճյուղ: Ըստ տանտիրոջ՝ բուսական զանգվածները թմրամիջոց են, իսկ փամփուշտները գտել էր տարիներ առաջ՝ Արցախում։
Նշանակվել են փորձաքննություններ:
Հարուցված քրեական գործի նախաքննությունը շարունակվում է: