Արտաշատի ոստիկանները գիշերային ծառայության ընթացքում գողություն են կանխել

Ապրիլի 25-ին, ժամը 3.30-ին, ոստիկանության Արտաշատի բաժնի ծառայողները գիշերային ծառայության ժամանակ հայտնաբերել և, գողություն կատարելու կասկածանքով, ոստիկանություն բերման են ենթարկել մայրաքաղաքի 23-ամյա մի բնակչի։
Ոստիկանությունում պարզվել է, որ Արտաշատում, ժամը 3.20-ի սահմաններում, երիտասարդը տեխնիկական միջոցների գործադրմամբ քանդել է մի «Մերսեդեսի» առջևի լուսարձակները, սակայն հանցագործությունն ավարտին չի հասցրել. ոստիկանները բռնել են։
Բերման ենթարկվածի խուզարկությամբ հայտնաբերվել է պտուտակահան, դանակ և այլ գործիքներ, որոնք ուղարկվել են փորձաքննության։
Տուժողից ընդունվել է հաղորդում։
Դեպքի բոլոր հանգամանքները պարզվում են։
Նախապատրաստվում են նյութեր։