Անցյալն ու ներկան միաձուլված՝ արվեստի լեզվով

Հունվարի 24-ից 25-ը Հայաստանի Նկարիչների միությունում հերթական ցուցահանդեսն էր. այս անգամ ներկայացվել էին ՆԳ նախարարության Ոստիկանության և Փրկարար ծառայության վետերանների գեղանկարչական աշխատանքները։
Ցուցադրված էին վեց վետերանի կտավներ։
Ի տարբերություն նախկինում իրենց իրականացրած գործունեության, որտեղ պահանջներն այլ էին, արվեստում ոստիկանության ու փրկարար ծառայության վետերաններն անկաշկանդ արտահայտել էին իրենց էմոցիաները:
Յուրաքանչյուր աշխատանք արտահայտում էր այն նվիրվածությունն ու սերը հայրենիքի, մարդու ու բնության հանդեպ, որոնք նրանք զգացել և փոխանցել էին իրենց արվեստում։
Կտավները հնարավորություն էին տալիս ծանոթանալու մարդկային հակադրություններին՝ արվեստի լեզվով։