Աշտարակի ոստիկանները բնակարանային գողություն են բացահայտել․ կասկածյալը ձերբակալվել է

Ոստիկանության Աշտարակի բաժնի քրեական հետախույզները տեղեկություններ էին ստացել, որ Արագածոտնի մարզի Ագարակ գյուղի 19-ամյա մի բնակիչ բնակարանային գողություն է արել։ Կատարվածի վերաբերյալ փաստական տվյալներ ձեռք բերելուց հետո հունիսի 2-ին կասկածվողը բերման ենթարկվեց ոստիկանության Աշտարակի բաժին։ Հետագա միջոցառումներով պարզվեց, որ նա մայիսի 31-ին պատուհանով մտել էր Ագարակ գյուղի տներից մեկն ու հյուրասենյակից փող գողացել:
Տուժողից ընդունվել է հաղորդում։
Բերման ենթարկված երիտասարդը ձերբակալվել է։
Քննությունը շարունակվում է։