Ատրճանակներ՝ «Մերսեդեսից» (ՏԵՍԱՆՅՈՒԹ)

Օգոստոսի 18-ին ոստիկանության կազմակերպված հանցավորության դեմ պայքարի գլխավոր վարչության և Կենտրոնականի բաժնի ծառայողները ապօրինի պահվող զենք-զինամթերքի վերաբերյալ օպերատիվ տեղեկություններ ստացան։ Այս կասկածանքով Երևանի Ամիրյան փողոցի 23 շենքի մոտից ոստիկանություն բերման ենթարկվեց 3 քաղաքացի՝ «Մերսեդես-Բենց» մակնիշի ավտոմեքենայով հանդերձ։
Մեքենայի խուզարկությամբ հայտնաբերվեց երկու ատրճանակ և 12 փամփուշտ։
Համաձայն դատաձգաբանական փորձաքննության եզրակացության՝ հայտնաբերված ատրճանակները հանդիսանում են ակոսափող հրազեններ, իսկ փամփուշտները՝ ռազմամթերք։
Նախաքննությամբ պարզվեց, որ ատրճանակներն ու փամփուշտները ապօրինի կերպով պահել է էդար Ջիլֆյանը։
Նա ներգրավվեց որպես մեղադրյալ և կալանավորվեց։
Բերման ենթարկված մյուս երկու քաղաքացիներն ազատ են արձակվել։
Նախաքննությունը շարունակվում է։