Իջևանի ոստիկանները բացահայտեցին ավտոմեքենայի գողությունը

Հունիսի 11-ին հաղորդվել էր «ՎԱԶ-21214» մակնիշի ավտոմեքենա գողանալու և Իջևան-Դիլիջան ճանապարհի 27-րդ կմ-ին վթարված վիճակում թողնելու մասին:
Ոստիկանության Իջևանի բաժնի ծառայողների ձեռնարկած օպերատիվ-հետախուզական միջոցառումների շնորհիվ պարզվել է հանցագործությունը կատարած անձի ինքնությունը: Գեղարքունիքի մարզի Ավազան գյուղի 37-ամյա բնակիչը հայտնաբերվել, բերման է ենթարկվել Իջևանի բաժին և տվել խոստովանական ցուցմունք: Նա ներկայացվել է նախաքննական մարմնին:
Կատարվում է նախաքննություն: