«ԲՄՎ» փախցրած անձը հայտնաբերվել և բերման է ենթարկվել
![«ԲՄՎ» փախցրած անձը հայտնաբերվել և բերման է ենթարկվել «ԲՄՎ» փախցրած անձը հայտնաբերվել և բերման է ենթարկվել](/timthumb?src=/resources/police/img/news/big/1641973171-1578.jpeg&q=75&w=780&wm=1)
Հունվարի 11-ին, ժամը 22.05-ին, ոստիկանության Շենգավիթի բաժնում հաղորդում է ստացվել, որ Ներքին Շենգավիթի 9-րդ փողոցից փախցրել են «ԲՄՎ» մակնիշի ավտոմեքենա։
Դեպքի վայր մեկնած քրեական հետախույզները պարզել են, որ վիճաբանության ժամանակ «Օպել» մակնիշի ավտոմեքենայի վարորդը նստել է «ԲՄՎ»-ն և հեռացել: Ձեռնարկված միջոցառումների շնորհիվ պարզվել է ավտոմեքենան փախցրած անձի ինքնությունը։ Ժամը 23.30-ին 24-ամյա տղամարդը հայտնաբերվել է Նորագավիթի 10-րդ փողոցում և, փախցրած ավտոմեքենայով հանդերձ, բերման է ենթարկվել ոստիկանության Շենգավիթի բաժին։
«ԲՄՎ»-ն եղել է սարքին վիճակում:
Տուժողից ընդունվել է հաղորդում:
Կատարվում է քննություն։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: