Խուլիգանության համար բաժին տարված երիտասարդի մոտ դանակ և գրիչ-ատրճանակ է հայտնաբերվել
22.07.2024 09:37
Արձանագրված դեպքեր
![Խուլիգանության համար բաժին տարված երիտասարդի մոտ դանակ և գրիչ-ատրճանակ է հայտնաբերվել Խուլիգանության համար բաժին տարված երիտասարդի մոտ դանակ և գրիչ-ատրճանակ է հայտնաբերվել](/timthumb?src=/resources/police/img/news/big/1721630003-0863.jpeg&q=75&w=780&wm=1)
ՆԳՆ ոստիկանության ՊԾ Երևանի գնդի 2-րդ գումարտակի պարեկները հուլիսի 18-ին, ժամը 23.30-ին, Արգիշտիի և Գրիգոր Լուսավորչի փողոցների խաչմերուկում, «Մերսեդես» մակնիշի մեքենան անկանոն վարելու և կողասահք կատարելու համար, ձերբակալել և ոստիկանության Կենտրոնական բաժին են տեղափոխել Երևանի բնակիչ 28-ամյա մի երիտասարդի: Բաժնում անձնական խուզարկությամբ նրա մոտ հայտնաբերվել է ծալովի դանակ և գրիչ-ատրճանակ՝ 3 փամփուշտով:
«Մերսեդեսը» տեղափոխվել է Կենտրոնական բաժնի հատուկ պահպանվող տարածք:
Կազմված փաստաթղթերը ներկայացվել են քննչական բաժին: