ՀՀ ՆԳՆ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:

Կենտրոնականի ոստիկանները մեկնեցին գողության ահազանգով, սակայն բացահայտեցին ավազակություն

27.07.2021 13:13 Ավազակություն

Հուլիսի 24-ին, ժամը 20.17-ին, ոստիկանություն զանգած մայրաքաղաքի Քաջազնունու փողոցի 25-ամյա բնակիչը հայտնել էր, որ իր տուն եկած երկու հոգի հեռախոսի պատյանի միջից գողացել են 20 հազար դրամ, հիմա էլ դեռ իր տանն են:
Ոստիկանության Կենտրոնական բաժնից դեպքի վայր էր մեկնել օպերատիվ խումբ: Տեղում պարզվել էր, որ խոսքն այլ հանցատեսակի մասին է: Երիտասարդը հաղորդում էր տվել, որ ժամը 20-ին իր ծանոթն ու նրա ընկերը դանակով հարձակվել են, հնչեցրել սպառնալիքներ, իրենից պահանջել և ստացել են 40 հազար դրամ ու հեռացել:
Ոստիկանության Երևան քաղաքի վարչության և Կենտրոնական բաժնի քրեական հետախույզները համատեղ ձեռնարկած օպերատիվ-հետախուզական միջոցառումներով պարզել են տուժածի տուն եկածների ինքնությունը: Գիշերվա ժամը երեքի սահմաններում 22 և 19 տարեկան երիտասարդները Քաջազնունու փողոցում հայտնաբերվել ու բերման են ենթարկվել:
22-ամյա երիտասարդի մոտ հայտնաբերվել են հանցագործության գործիք դանակն ու հափշտակած փողը:
Ավազակության հատկանիշներով հարուցվել է քրեական գործ, երկուսն էլ ձերբակալվել են:
Նախաքննությամբ հանգամանքները պարզվում են:

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: