Ոստիկանները բացահայտել են դեղատանը կատարված ավազակային հարձակումը /ՏԵՍԱՆՅՈՒԹ/

Մայիսի 31-ին, ժամը 1-անց 45-ի սահմաններում ոստիկանության Արաբկիրի բաժնում տեղեկություն է ստացվել, որ Մամիկոնյանց փողոցի դեղատներից մեկում քիչ առաջ ավազակային հարձակում է եղել:
Ոստիկանության օպերատիվ խումբը մեկնեց դեպքի վայր: Պարզվեց, որ դիմակավոր մի անձ մտել է դեղատուն և ատրճանակի նմանվող առարկայով սպառնալով` դեղատան դրամարկղից հափշտակել 170.000 դրամ:
Ոստիկանները ձեռնարկեցին անհրաժեշտ բոլոր միջոցառումները հանցագործությունը «տաք հետքերով» բացահայտելու ուղղությամբ:
Արդյունքում՝ ժամեր անց, ավազակային հարձակումը կատարելու կասկածանքով ոստիկանության Արաբկիրի բաժին բերման ենթարկվեց Արմավիրի մարզի մի բնակիչ:
Նա ներկայացվել է քննչական մարմին, ապա՝ կալանավորվել:
Ձեռնարկվում են միջոցառումներ գողոնը հայտնաբերելու ուղղությամբ:
Քննությունը շարունակվում է:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: