Ոստիկանները կարճ ժամանակում բացահայտել են ավազակության դեպքը

Մարտի 31-ին, ժամը 01.45-ին, ոստիկանության Արաբկիրի բաժնում ահազանգ է ստացվել, որ Մամիկոնյանց փողոցում գործող դեղատանը ավազակություն է եղել։
Դեպքի վայր մեկնած ոստիկանները պարզել են, որ ժամը 01.03-ին, դիմակավորված անձը, ատրճանակի նմանվող առարկայի սպառնալիքով դեղատան դրամարկղից հափշտակել է 170.000 դրամ ու դիմել փախուստի:
Ոստիկանության Երևան քաղաքի վարչության քրեական հետախույզների ստացած օպերատիվ տվյալների հիման վրա, Արաբկիրի և Արմավիրի բաժինների ծառայողների ձեռնարկված համատեղ միջոցառումների շնորհիվ պարզվել է, որ հանցագործությունը կատարել է Սարդարապատ գյուղի բնակիր՝ 27-ամյա Հովհաննես Ա․-ն։ Մայիսի 31-ին, ժամը 09.30-ին, նա հայտնաբերվել և բերման է ենթարկվել ոստիկանության Արաբկիրի բաժին, ապա ներկայացվել քննչական բաժին:
Ձեռնարկվում են միջոցառումներ գողոնը և ատրճանակի նմանվող առարկան հայտնաբերելու ուղղությամբ:
Հովհաննես Ա․-ն կալանավորված է:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: