Արարատի և Գորիսի ոստիկանները հայտնաբերեցին առևանգված ավտոմեքենան

Հունվարի 6-ին ոստիկանության Արարատի բաժնում ահազանգ էր ստացվել, որ Երասխ գյուղի արհեստանոցի մոտից «Օպել Զաֆիրա» մակնիշի ավտոմեքենա են գողացել: Դեպքի վայր մեկնած օպերատիվ խումբը պարզել էր, որ ժամը 14.50-ի սահմաններում անհայտ անձն ավտոմեքենան փախցրել էր` օգտվելով դռները՝ բաց, իսկ բանալին փականի մեջ լինելու հանգամանքից։
Ոստիկանության Գորիսի և Արարատի բաժինների ծառայողների ձեռնարկած համատեղ միջոցառումներով նույն օրը Գորիս-Որոտան ճանապարհի 5-րդ կմ-ին հայտնաբերվել և, ավտոմեքենա փախցնելու կասկածանքով, ոստիկանության Գորիսի բաժին բերման է ենթարկվել 39-ամյա տղամարդը։ Ավտոմեքենան ներկայացվել է ոստիկանության Արարատի բաժնի ծառայողներին: Հանգամանքները պարզվում են։