Մեքենան առևանգելուց ժամեր անց բռնվել էր․ Արմավիրի ոստիկանների բացահայտումը

Օգոստոսի 9-ի առավոտյան օպերատիվ կառավարման կենտրոնից ոստիկանության Արմավիրի բաժնում հաղորդում ստացվեց, որ Նալբանդյան գյուղի տներից մեկի բակից «Օպել Աստրա» մակնիշի մեքենա են առևանգել:
Դեպքի վայր մեկնած օպերատիվ խումբը պարզեց, որ, օգտվելով դուռը բաց լինելու և բանալիները փականում գտնվելու հանգամանքից, ինչ-որ մեկը տան դիմացից գողացել է մեքենան:
Ձեռնարկված անհետաձգելի միջոցառումների արդյունքում, հաղորդումից ժամեր անց քրեական հետախույզներն Արմավիրի մարզի Ջանֆիդա գյուղում հայտնաբերեցին «Օպել Աստրան»:
Ավելի ուշ տեղեկություններ ստացվեցին, որ հանցագործությունը հնարավոր է կատարած լինի նույն գյուղի 32-ամյա մի բնակիչ:
Իրավապահների բացատրական աշխատանքի արդյունքում օգոստոսի 9-ին, ժամը 17-ի սահմաններում, կասկածվողը ներկայացավ ոստիկանության Արմավիրի բաժին:
Նա տվել է խոստովանական բացատրություն:
Հանգամանքները պարզվում են:
Փաստի առթիվ նախապատրաստվում են նյութեր: