Բացահայտվել է ավտոմեքենայից կատարված գողության դեպքը

Ոստիկանության Քանաքեռ-Զեյթունի բաժնի ծառայողներն իրացնելով ստացված օպերատիվ տվյալները, փետրվարի 21-ին, ժամը 11.00-ին, գողություն կատարելու կասկածանքով, Ավետիսյան փողոցից բերման են ենթարկել 46-ամյա մի տղամարդու։ Նա տվել է խոստովանական բացատրություն, որ հունվարի ամսին գողացել է Ահարոնյան փողոցում կայանված «Մերսեդես» ավտոմեքենայի 4 անիվների կափարիչներն ու խոզանակը։
Ժամը 16.00-ին տուժողից ընդունվել է հաղորդում:
Տղամարդը խոստովանել է նաև, որ Քանաքեռ-Զեյթուն վարչական շրջանի տարածքում ավտոմեքենաներից կատարել է այլ գողություններ:
Նախապատրաստվում են նյութեր: