Որդին ավտոտնակում հայտնաբերել էր հանգուցյալ հոր զինամթերքը

Ոստիկանության Մալաթիայի բաժնում 1978 թ. ծնված Հրաչյա Պ.-ից ահազանգ էր ստացվել, որ ավտոտնակում զինամթերք է հայտնաբերել:
Մեկնած օպերատիվ խումբը Երևանի Անդրանիկի փողոցի 90 շենքի դիմաց գտնվող, Հրաչյա Պ.-ին պատկանող ավտոտնակի նկուղից հայտնաբերել է կարճեցված փողով, 16 մմ տրամաչափի ողորկափող հրացան՝ քանդված վիճակում, և 5.45 մմ տրամաչափի 50 փամփուշտ:
Ըստ Հրաչյա Պ.-ի հայտարարության՝ հայտնաբերվածը պատկանել է Արցախյան ազատամարտի մասնակից, հանգուցյալ հորը: